وعلى ظهر الصورة كان مكتوبًا
إلى مريم عندما تكبري، لازم تعرفي الحقيقة.
مريم أمسكت الصورة بيد مرتعشة.
لكن قبل ما تفتح الرسالة
جاء صوت من خلفهم
متقريهاش.
الجميع استدار.
وكان الشخص الذي ظنوا أنه اختفى من حياتهم منذ سنوات
واقفًا عند مدخل المخزن.
ومريم بمجرد ما شافته قالت
مستحيل
ثم برق اقترب منه
ولأول مرة منذ وصوله للقصر
لم يهاجم.
بل وقف أمامه بهدوء.
وكأن الحصان كان يعرفه منذ البداية مريم فضلت باصة للرجل كأنها مش قادرة تصدق اللي شايفاه.
إنت عايش؟
الرجل ما ردش.
كان واقف عند باب المخزن، وملامحه هادية بشكل غريب، بينما برق واقف قدامه كأنه يعرفه من سنين.
كريم بص لفؤاد.
مين ده؟
فؤاد قال بصوت منخفض
اسمه حسان.
مريم شهقت
حسان؟
ثم قربت خطوة.
إنت كنت مع أختي ليلة الحــ,,ـــــريق!
حسان نزل عينيه للأرض.
أيوه.
كريم رفع صوته
يبقى إنت عارف كل حاجة!
حسان قال
عارف جزء منها.
والجزء الباقي؟
حسان بص للرسالة اللي في إيد مريم.
مكتوب فيها.
مريم ضمت الرسالة لصدـ,,ـــرها.
ليه الرسالة دي باسمي؟
حسان سكت.
فؤاد قال
افتحيها.
مريم فتحت الظرف ببطء.
كانت الورقة قديمة جدًا، والحبر باهت.
بدأت تقرأ.
لكن بعد أول سطر، إيدها بدأت ترتعش.
كريم لاحظ ده.
في إيه؟
مريم ما ردتش.
أكملت القراءة، ثم رفعت عينيها ناحية حسان.
إنت كنت عارف إن أختي ما اختفتش؟
حسان قال
كنت عارف إنها عاشت.
مريم شهقت
فين؟!
قبل ما يجاوب، سمعوا صوت سيارة خارج القصر.
الحراس جريوا ناحية البوابة.
بعد ثواني، رجع واحد منهم وهو بيقول
كريم بيه في عربية واقفة برا، لكن مفيش حد جواها.
كريم قال
رقمها؟
الحارس أعطاه الرقم.
فؤاد بمجرد ما سمعه، تغير وشه.
العربية دي تبع صاحب المزرعة القديمة.
كريم بص له.
يعني إيه؟
فؤاد قال
يعني الشخص اللي بندور عليه كان هنا قبلنا.
مريم ضمت الرسالة أكثر.
هو عايز برق.
حسان رد
مش برق لوحده.
كريم قال
أمال إيه؟
حسان أشار إلى بطن مريم.
هو عارف إنك حامل.
سكت الجميع.
مريم رجعت خطوة للخلف.
إنت عرفت منين؟
حسان قال
لأن اللي بيراقب القصر بقاله فترة، شافك.
كريم التفت للحراس فورًا.
اقفلوا القصر بالكامل.
لكن حسان هز رأسه.
فات الأوان.
وفي نفس اللحظة
سمعوا صوت زجاج بيتكسر في الدور العلوي.
الحراس جريوا ناحية السلم.
وفجأة انطفأت أنوار القصر مرة ثانية.
لكن المرة دي
برق هو اللي تحرك.
الحصان
اندفع ناحية مريم، ووقف أمامها مباشرة.
ثم رفع رأسه ناحية النافذة المكسورة.
كان فيه ظل شخص واقف خلف الزجاج.
كريم صرخ
مين هناك؟!
الظل اختفى.
لكن قبل ما يختفي تمامًا، سقطت ورقة من النافذة.
كريم التقطها.
كانت عليها صورة حديثة لمريم
وصورة لبرق
وتحتهم جملة واحدة
لو عايز تعرف ليه الحصان اختارك افتح الباب اللي تحت الإسطبل.
كريم بص لمريم.
إنتِ كنتِ تعرفي عن الباب ده؟
مريم هزت رأسها بسرعة.
لأ.
فؤاد قال
أنا أعرفه.
كريم اتجه ناحية الإسطبل.
يبقى هنفتحه دلوقتي.
لكن حسان أمسك ذراعه.
استنى.
ليه؟
حسان بص إلى برق.
لأن الباب ده ما اتفتحش من يوم الحــ,,ـــــريق.
الدكتور قال
وإيه المشكلة؟
حسان رد
المشكلة إن آخر شخص دخل المكان ده ما خرجش منه.
كريم سكت لحظة.
ثم قال
مين؟
حسان بص إلى مريم.
أختها.
مريم اتجمدت.
وفي اللحظة نفسها، برق بدأ يخبط بحافره على الأرض بعنــ,,ـــــف.
مرة
واتنين
وتلاتة
وكأنه بيحاول يشاور لهم على مكان معين.
فؤاد انحنى ولمس الأرض.
ثم رفع رأسه ببطء.
فيه فراغ تحتنا.
كريم قال
افتحوه.
العمال بدأوا يزيلوا ألواح الخشب القديمة.
وبعد دقائق، ظهر باب حديدي صغير مخبأ تحت الأرض.
كان عليه قفل صدئ.
مريم قربت منه.
لكن قبل ما تلمسه
برق وقف خلفها تمامًا.
وفجأة
صدـ,,ـــر من أسفل الباب صوت خافت.
صوت طرق.
مرة واحدة.
ثم مرة ثانية.
ثم سمعوا صوت امرأة من الداخل يقول
مريم
مريم شهقت.
لأن الصوت كان نفس صوت أختها مريم حطت إيدها على فمها، وعينيها اتملت دموع.
مستحيل
الصوت رجع تاني من تحت الباب
مريم لو إنتِ هنا، متفتحيش الباب.
كريم بص لحسان بصدمة.
إيه اللي بيحصل؟
حسان قرب من الباب، لكن مريم منعته.
استنى.
الصوت من الداخل قال
اسمعيني كويس الشخص اللي فوق مش لوحده.
كريم رفع رأسه وبص للحراس.
كلهم بصوا لبعض.
فؤاد همس
حد دخل القصر.
وفجأة، برق بدأ يضــ,,ـــــرب الأرض بعنــ,,ـــــف.
ثم استدار ناحية الممر المؤدي للقصر.
وكان واضح إنه سمع شيئًا قبلهم.
حسان قال
اطفوا الأنوار.
كريم سأله
ليه؟
عشان لو في حد بيراقبنا، لازم يفتكر إننا لسه مركزين مع الباب.
كريم أشار للحراس.
انطفأت الأنوار.
الكل اختبأ خلف الأعمدة.
ثواني مرت
ثم ظهر ظل شخص عند آخر الممر.
كان بيتحرك ببطء.
